Cariyos Pengalaman kelas X Mipa/IPS


Tuladha cariyos Pengalaman
DIPUNCOKOT MOMOK
déning: Muh.Zaki Afif.Z
Kadadosanipun  rikala kula  taksih  alit. Dinten punika, kula kaliyan  adhi  kula dolanan sareng-sareng. Kula saha adhi kula dolanan dhelikan. Rikala punika, adhi kula ingkang kagilir jagi. Kula lajeng ndhelik rikala adhi kula sampun ngétang saking satunggal dumugi sadasa. Kulan dhelik wonten  ing wingkingipun lemantun wonten  ing pojok kamar kula. Adhi kula  madosi  kula  ngantos  ngubengi  griya.  Wekdal  adhi  kula  mlebet  kamar,  sanalika  kula gadhah  niat  badhé mejahi  lampu  supados  adhi  kula  kagèt  saha  ajrih. Namung,  amargi  kula dèrèng gadug gedugèn, kula boten saged. Kula lajeng mendhet sapu kanggé nuthuk saklar wau supados lampunipun pejah. boten kanyana,  tangan kula malah kados déné kagèrèt saha sakit sanget. Saking kagètipun kula lajeng nyangka menawi kula kagèrèt momok.Kula mbengok sora sanget,  lajeng muwun saha mlajar. Mangertosi kahanan  ingkang peteng punika adhi kula ugi kagèt  saha  ajrih,  adhi  kula  mlajar  ugi.  Kula  kagèt  sanget,  sadèrèngipun  kula  dèrèng  naté ngraosaken raosipun kados makaten. Kula kapanggih bapak saha ibu ingkang kagèt ugi mireng panjerit kula saha adhi kula. Kula nyikep ibu, adhi kula nyikep bapak.  Bapak  saha  ibu  ndangu  kenging  punapa  kok  kula muwun  saha  kénging  punapa  kok listrikipun  pejah. Kula  ajrih  dipundukani  bapak  saha  ibu,  kula  lajeng matur menawi  tangan kula  sakit  amargi    kula  nembé  kémawon  dipuncokot  ‘momok’.  Bapak  saha  ibu  nyuwun supados kula njlèntrèhaken kedadosan wau. Sasampunipun kula  rampung  cariyos, É…..jebul ibu  saha bapak kula  lajeng ngendika  sareng. “Wo….tholé ki kesetrum  lé….,  jenengé,  “  lajeng sami gumujeng sinambi ngendika ora papa  lé, mengko rak terus mari, sing wigati aja dibalèni ya!


Tugas 1
Kagatosna cariyos  ing inggil lajeng  dipunpadosi  unsur-unsur cariyosipun!
a. Punapa Judul/irah-irahanipun?
b. Rikala punapa wekdal kadadosanipun?
c. Wonten pundi papanipun?
d. Sinten Tiyang/paraga sanès ingkang ndhèrèk ing cariyos punika?
e. Punapa sebab kadadosanipun?
f. Kados pundi kadadosan kalawau?
g. Punapa piwucal ingkang saged kapendhet saking cariyos punika?

Tugas 2
pados wonten youtube babagan covid-19, corona! gatosaken, banjur ceritakna ing bukumu!
utawa saget ningali wonten laman https://www.youtube.com/watch?v=dS9M_uqx0p0 gatosaken banjur critakna ngangge basamu kiyambak!

Komentar

Posting Komentar

Postingan populer dari blog ini

serat Jawa XI MIPA/IPS

Gambar
Serat utawi nawala  inggih punika basa  ingkang dipunaturaken ngginakaken  seratan utawi  salah setunggaling  piranti komunikasi ingkang awujud seratan utawi setunggaling sarana kanggé  sambet ginem/komunikasi ingkang wujud sinerat/ tinulis. Miturut basa, wos, sipat saha asalipun,  serat saged kapérang dados sekawan, inggih punika :  1.  Serat (serat) resmi,  2.  Serat (serat) dinas,  3.  Serat (serat) niaga,  4.  Serat(serat) pribadi.  Serat  resmi, dinas,  lan dedagangan  temtunipun ngginakaken paugeran  ingkang gumathok  gegayutan  kaliyan  kedinasan.  Béda  kaliyan  serat  pribadi.   Serat  pribadi  punika  wujudipun kadosdéné  serat  limrah.  Ingkang  dados    pratandhanipun  menawi  serat  punika  kalebet  serat pribadi  inggih  punika...
Baca selengkapnya

Prajurit/bregada keraton

Gambar
1. Wirabraja utawa lombok abang miangka cucuking ngajurit salebeting perang busana ingkang dipunagem : sikepan, lonthong, celana panji sedaya awarni abrit. dene sepatu ngginakaken pantopel gendera kawastanan Gula Klapa Dwajanipun Kanjeng Santri wujud gendera saha busana ageman prajurit lombok abang       2. Daeng Prajurit ingkang asalipun saking Makasar. busana ingkang dipunagem sedaya awarna pethak (walikan wirabraja), ginakaken songkok mancung awarni cemeng kanthi rerenggan wulu pitik gendera kawastanan Bahningsari dwajanipun Kanjeng Kyai Jatimulya (Doyok) wujud gendera Daeng   3. Patangpuluh   prajurit ingkang dumugining saking patangpuluhan busana ingkang dipunagem nun inggih sikepan lurik khas patangpuluh, sepatu lars (boots) cemeng dwajanipun nuninggih Kyai Trisula gendera kawastanan cokragora
Baca selengkapnya

Kajian naskah secara kodikologis

Pengertian Kodikologi Istilah kodikologi berasal dari kata Latin ‘codex’ (bentuk tunggal; bentuk jamak ‘codies’) yang dalam bahasa Indonesia diterjemahkan menjadi ‘naskah’–bukan menjadi ‘kodeks’. Sri Wulan Rujiati Mulyadi mengatakan kata ’caudex’ atau ‘codex’ dalam bahasa Latin menunjukkan hubungan pemanfaatan kayu sebagai alas tulis yang pada dasarnya kata itu berarti ‘teras batang pohon’. Kata ‘codex’ kemudian di berbagai bahasa dipakai untuk Kodikologi, atau biasa disebut ilmu pernaskahan bertujuan mengetahui segala aspek naskah yang diteliti. Aspek-aspek tersebut adalah aspek di luar isi kandungan naskah tentunya. kodikologi adalah satu bidang ilmu yang biasanya bekerja sama dengan bidang ilmu filologi. Jika filologi mengkhususkan pada pemahaman isi teks/kandungan teks, kodikologi khusus membahas seluk-beluk dan segala aspek sejarah naskah. Dari bahan naskah, tempat penulisan, perkiraan penulis naskah, jenis dan asal kertas, bentuk dan asal cap kertas, jenis tulisan, gambar/...
Baca selengkapnya